Testu dettu da Charlotte Mattei
Una via - GF Mattei - mp3
(1.43 Mo)
U scrittu
- Una via
À misurà i ghjorni è cuntà i passi lazzi
Ch'aghju frustatu à pressu à tè
À tene a memoria da u stazzu à u palazzu
Mi sò scialbatu à pressu à tè
Chì ne senti tù fratellu caru caru
Di u tazzu nentru à mè ?
Tù chì ne pensi amicu paru paru
Di u vezzu à collu à mè ?
Un avia ch'è una via pè andacci
Una vita
Una vita solu una vita pè campacci
Una via
Aghju intesu u fragu, i fischacci
Ch'è tù mai ùn voli tace
À perde a memoria è tuppalla
Pianu pianu di bambace
Chì fanale verde o rossu vedi
Quandu u locu l'ai in manu à tè ?
Chì stangaghju apertu o chjosu credi
Quandu in locu ti pensi ind'è tè ?
Ùn avia ch'è una via pè andacci
Una vita
Una vita solu una vita pè campacci
Una via
Cum'è un tempu di dumane
Chì si campa oghje è avà
A storia dice guasi vera a verità
Cum'è un oddiu di dumane
Chì si campa à tempu avà
A vita ella face soia a verità
D'una via.
Ghjuvanfrancescu Mattei
Accolta
Una via di Ghjuvanfrancescu Mattei
