Accolta
U puntettu strattu da Pesciu Anguilla di Sebastianu Dalzeto
Dettu da Ghjuvanfrancescu Mattei
U puntettu - S_Dalzeto.mp3 (4.63 Mo)
U scrittu
U Puntettu
Bianca è grisgia, Bastia a si ghjace, allungata nant’à u mare, sposta à u sole di u levante.
Bastia ghjè una cità strana. Figuratevi una bella persona, lucente di pulizia da mezu inghjò, è da mezu insù cuperta di macagne leprose.
Una di isse macagne, frà tant’altre, ghjè u Puntettu.
U Puntettu hè sempre statu u nidu di e belle zitelle chì facenu cummerciu di a so carne. Quartieru tristu , bruttu, è sucidosu induve a Corsica sprime tutta a so angoscia è a so miseria. E case anu l’aspettu orribbile è decrepitu di a vechjaia, i muri minaccianu ruvina, e scale bughjicose si prestanu à tutti i gattivi colpi di i ruffiani chì ci anu elettu dumiciliu.
Luntanu da noi di pretende chì ind’è u Puntettu ùn ci sianu l’oneste ghjente. L’oneste ghjente, per furtuna, sò dapertuttu. Quellu chì allogia à u Puntettu, ghjè ch’ùn pò fà altrimente. Hè capita chì tuttu u mondu ùn pò avè casa à Santu Niculaiu o nant’à a Traversa. À chì hè riccu, à chì hè poveru. À chì hè miseriosu, à chì gode a prusperità. Sì ind’è a nostra sucetà, di a quale tanti vantanu a perfezzione, ci fussi cuscenza, certe cose indegne ùn si viderebbenu. Ma quessa hè un altr’affare, è più d’unu sà, oghje, chì a ricchezza hè fatta u maiò tempu di a miseria di u disgraziatu.
Pesciu Anguilla, Sebastianu Dalzeto, 1930
Bianca è grisgia, Bastia a si ghjace, allungata nant’à u mare, sposta à u sole di u levante.
Bastia ghjè una cità strana. Figuratevi una bella persona, lucente di pulizia da mezu inghjò, è da mezu insù cuperta di macagne leprose.
Una di isse macagne, frà tant’altre, ghjè u Puntettu.
U Puntettu hè sempre statu u nidu di e belle zitelle chì facenu cummerciu di a so carne. Quartieru tristu , bruttu, è sucidosu induve a Corsica sprime tutta a so angoscia è a so miseria. E case anu l’aspettu orribbile è decrepitu di a vechjaia, i muri minaccianu ruvina, e scale bughjicose si prestanu à tutti i gattivi colpi di i ruffiani chì ci anu elettu dumiciliu.
Luntanu da noi di pretende chì ind’è u Puntettu ùn ci sianu l’oneste ghjente. L’oneste ghjente, per furtuna, sò dapertuttu. Quellu chì allogia à u Puntettu, ghjè ch’ùn pò fà altrimente. Hè capita chì tuttu u mondu ùn pò avè casa à Santu Niculaiu o nant’à a Traversa. À chì hè riccu, à chì hè poveru. À chì hè miseriosu, à chì gode a prusperità. Sì ind’è a nostra sucetà, di a quale tanti vantanu a perfezzione, ci fussi cuscenza, certe cose indegne ùn si viderebbenu. Ma quessa hè un altr’affare, è più d’unu sà, oghje, chì a ricchezza hè fatta u maiò tempu di a miseria di u disgraziatu.
Pesciu Anguilla, Sebastianu Dalzeto, 1930
