Accolta
M'innamoru, una puesia di Ghjacumusantu Versini
Detta da Marianne Suzzarini
M'innamoru - GS Versini.mp3 (869.15 Ko)
U scrittu
M'innamoru
- L'aria accarezza. Si vede stelle
- Indì l'ochji di e zitelle.
- U sole bellu ti face d'oru
- È m'innamoru.
- À mezu pratu ci hè tanti fiori !
- Femu cullane cum'è i signori !
- U sole bellu ti veste d'oru
- È m'innamoru.
- I pulloni infrondanu le rame:
- Cuntemu ci tutte le nostre brame !
- U sole bellu ti frisgia d'oru
- È m'innamoru.
- Più cà l'acqua fresca di a funtana
- Sè fresca, sè limpida, sè sana ...
- U sole bellu t'introscia d'oru
- È m'innamoru.
- Si sò carchi di sangue i chjarasgi :
- Hè tempu di pindini è di basgi !
- U sole bellu t'accende d'oru
- È m'innamoru.
