Accolta
Festa, una puesia di GHJuvanteramu Rocchi
Dettu da Petrughjuvanu Mattei
Festa.mp3 (3.48 Mo)
U scrittu
Festa
GHJuvanteramu Rocchi
- Pè u tempu passatu à calore di u to sennu
Pè l’annannu serenu u basgiu regalatu
Pè issu tempu beatu chì u ricordu assesta
Lasciacilu arrizà, l’arcu di a to festa
Pè u celu è u mare di l’ochji sguardilindi
Pè i gesti calindi di e matine amare
Pè e risate chjare di zitellina lesta
Lasciacilu arrizà l’arcu di a to festa
Pè e strade amparate di u pane stentatu
Pè u cunsigliu datu e cose ragiunate
Hè pè l’avvicinate di quandu vita hè mesta
Lasciacilu arrizà, l’arcu di a to festa
Pè u tempu passatu à calore di u to sennu
Pè l’annannu serenu u basgiu regalatu
Pè issu tempu beatu chì u ricordu assesta
Lasciacilu arrizà, l’arcu di a to festa
GHJuvanteramu Rocchi
