Accolta
O ciucciarella è Tessi tessi, duie nanne tradiziunale
In u 1932, esce a prima versione di Saveriu Tomasi. Sta versione a l’averia data un certu Santini di Corti dicenduli ch’ella seria stata d’origine balanina.
In a sucetà tradiziunale, u cantu accumpagnava ogni stonda di a vita. Issi canti sò a spressione sputica è schietta di a nostra litteratura à bocca. Cantata da e donne da azzicà i so figliulelli, O ciucciarella, hè una nanna, tramantata à bocca di leva in pulleva.
Cunnisciuta in Corsica sana hè stata ancu cantata da Tino Rossi.
In a sucetà tradiziunale, u cantu accumpagnava ogni stonda di a vita. Issi canti sò a spressione sputica è schietta di a nostra litteratura à bocca. Cantata da e donne da azzicà i so figliulelli, O ciucciarella, hè una nanna, tramantata à bocca di leva in pulleva.
Cunnisciuta in Corsica sana hè stata ancu cantata da Tino Rossi.
O ciucciaredda
- O ciucciaredda, nùn sai quantu t’adoru
Li to biddezzi, li to cuddani d’oru
Ciucciaredda inzuccarata
Quantu hè longa sta nuttata
Fà la ninna fà la nanna
Lu to babbu hè à la campagna
Sò statu à l’ortu, sta mani di bon’ora
Ciucciu nùn ci era, ch’era andatu à la scola
Tuttu era par veda à tè (ni)
O mazzulu di viola
Fà la ninna fà la nanna
Lu to babbu hè à la campagna
Cuddà ni vogliu, quassù par li cuddetti
Ci sò li capri, li mufri è li cirvetti
Quassù sò li trè cunigli
Corri tù s’è tù li pigli
Fà la ninna fà la nanna
Lu to babbu hè à la campagna
Trovu aghju un nidu, nentru ci era dui ova
Sò statu à veda, l’aceddu chì li cova
Era un nidu di culomba
È trè volti l’aghju trova
O culomba cuddarata
Cusì longa sta nuttata
Zifula puru è mughja o tramuntana
Filgu lu linu, è carmingu la lana
Fattu t’aghju lu manteddu
È guarnita la suttana
Lu to manteddu fatatu
Tuttu intornu riccamatu
Tessi tessi
Scritta in u filu di e nanne tradiziunale sta puesia hè d’una dulcezza tremenda.
- Tessi tessi lu to sognu
O la mio criaturella
È mare è Muntagne è sole
Facenu la rundinella
À la chjama di a luna
S'hè incesa ogni stella
È lu ventu cun dulcezza
Ti canta la nannarella
Tù sè nata in paradisu
Cun Terraniu pè cullana
Induv'è fiore cun surrisu
È felecità si spanna
Ci si rinfrescanu le petre
À l'acqua di la funtana
È l'acelli fischjulendu
Accumpagnanu la nanna.
O la mio Santa Regina
Fate bellu u so destinu
Ch'ellu sia di smeraldu
Ch'ellu sia d'oru finu
Ch'ellu sia di furtuna
È d'amore lu caminu
O la mio Santa Regina
Fate bellu u so destinu
Ch'ellu sia di furtuna
È d'amore lu caminu
