Fideghjate quì sottu i ritratti di sta ghjurnata ricca di scontri, di spartere, di rise, di riflessione è ... di lingua corsa viva.
Presentazione di a cunferenza
A cunferenza di Ghjuvanlucca Luciani
Seconda parte :
Parole di GHJuvanpaulu Casta
Fasgioli in L'Oretu
In L'oretu simu andati
Da Pinziglione_invitati
In u paese à spassighjà
À u Rataghju à manghjà
Nant'à_a tavula centrale
Vera merenda nustrale
Frittelle cun casgiu frescu
Salame artigianescu
Belli fasgioli accunciati
Casgi vechji impistati
È per finì sta magnana
Pastizzu à a banana
Senza furzammi, ohimè
Di u più prufondu di mè
Hè natu un soffiu novu
Chì pare sorte di l'ovu
Hè natu un soffiu vivu
Ch'hè diventatu espansivu
Era ghuntu in Loretu
Senza_esse appena inquietu
Per sta à sente_à Ghjuan Lucca
Ma eiu, una vera zucca
Quandu « manfiu » aghju_intesu
Mi sò trovu_appena_offesu
Ùn sò puetu curcincu
È ancu menu luzzincu
Ma duie rime possu fà
Ancu se aghju u mo da fà
Ma Mighè ellu vulia
Chè ne fessi puesia
Senza furzammi, ohimè
Di u più prufondu di mè
Era natu un soffiu novu
Chì sentia_u fracicu_ovu
Era natu un soffiu vivu
Ch'era guasi esplusivu