U Pinziglione rende omagiu à Ghjuvanteramu Rocchi

In u quatru di u festivale 2025 « Orizonti di quì è d’altrò » purtatu da a cumunità di e cumune di Castagniccia-Casinca, l'associu U Pinziglione hà prupostu u sabbatu 17 di maghju di u 2025 in L'Oretu di Casinca una stonda intornu à l’opara di Ghjuvanteramu Rocchi (1940 – 2018), pueta è pedagogu militante.
Da 2 ore à 4 ore di u dopumeziornu, si hè parlatu di l’omu, di e so creazione pedagogiche è puetiche. Sò state presentate mostre, puesie è canzone.
In lu 1973, in lu so paese, Ghjuvanteramu Rocchi aprì a prima scola assuciativa in lingua corsa. Una placca cummemurativa hè stata messa da ramintà stu fattu.
Eccu quì sottu un resucontu di sta bella stonda.