Listinu
Lettu 549 volte

U Pinziglione nantu à u Chjassu di a memoria in Patrimoniu


Stu 26 di marzu 2022, in u quatru di e ghjurnate 2022 di l’Accumpagnatori di Muntagna in Corsica, u Scagnu muntagnolu Nebbiu ci hà invitatu à a scuperta di u Chjassu di a memoria in Patrimoniu, apertu da pocu. Ghjurnata avviata da l’amichi François Tomasi è Jean-Marc Poggi, guidi di muntagna.
Dopu à u caffè in l'anfiteatru di e notte di a ghittara, avemu principiatu u nostru giru incù a ghjesgia San Martinu è u paisolu di Cardetu. Dopu, avemu vistu u paisolu di u Calvellu, incù u so casale di listessu nome (nantu i muri si vedenu sempre i tuvoni di e cannunate francese di 1768 !). Seguitendu u chjassu, simu falati versu u Fiume Albinu per francà u vechju ponte è vede i so mulini è e so piove. Lascendu u fiume, si hè attippatu versu A Ficaghja, u più altu è più anzianu paisolu di Patrimoniu. Seguitendu, simu cullati versu A Tozza, situ di l’anzianu castellu Cortincu.
Dopu à un spuntinu à l'appossu (ci era un pocu di sciroccu), simu turnati in paese pè salutà "u Nativu", a sola stantara di calcina in Corsica.
Mà i giri di l'associu, permetenu dinù belli scontri di ghjenti sopra locu. Cume l'amicu Christian Andreani, chì ci hà parlatu cù passione di sti lochi. È dinù di Mma Mimi Dominici chì ci hà ricevutu in casa incù cusì boni panzarotti è dinù in canzona (fighjate a video sottu).
 
 
tra_machja_mare_e_monti__girandulate_in_patrimonio__net_d607de23_eabd_4a25_8698_4ab3fc4de51d.mp3 Francescu ci presenta u nostru giru  (3.2 Mo)

U Pinziglione nantu à u Chjassu di a memoria in Patrimoniu

 
 




Vistu indè Corse-Matin

U Pinziglione nantu à u Chjassu di a memoria in Patrimoniu