Listinu
Lettu 252 volte

Una ghjurnata in Casinca


U Pinziglione era in L'Oretu di Casinca u 19 d'ottobre di u 2019 : AG di l'associu a matina, girandulata per e strette, cullaziò à l'osteria U Rataghju è poi una cunferenza magnifica di Ghjuvanlucca Luciani chì ci hà presentatu u so travagliu nantu à puesia di Corscia.
Fideghjate quì sottu i ritratti di sta 
ghjurnata ricca di scontri, di spartere, di rise, di riflessione è ... di lingua corsa viva.

Presentazione di a cunferenza


A cunferenza di Ghjuvanlucca Luciani

Prima parte :


Seconda parte :

Parole di GHJuvanpaulu Casta

fasgioli___jpc.mp3 Fasgioli - JPC.mp3  (1.36 Mo)


Fasgioli in L'Oretu

In L'oretu simu andati

Da Pinziglione_invitati

In u paese à spassighjà

À u Rataghju à manghjà

Nant'à_a tavula centrale

Vera merenda nustrale

 

Frittelle cun casgiu frescu

Salame artigianescu

Belli fasgioli accunciati

Casgi vechji impistati

È per finì sta magnana

Pastizzu à a banana

 

Senza furzammi, ohimè

Di u più prufondu di mè

Hè natu un soffiu novu

Chì pare sorte di l'ovu

Hè natu un soffiu vivu

Ch'hè diventatu espansivu

 

Era ghuntu in Loretu

Senza_esse appena inquietu

Per sta à sente_à Ghjuan Lucca

Ma eiu, una vera zucca

Quandu « manfiu » aghju_intesu

Mi sò trovu_appena_offesu

 

Ùn sò puetu curcincu

È ancu menu luzzincu

Ma duie rime possu fà

Ancu se aghju u mo da fà

Ma Mighè ellu vulia

Chè ne fessi puesia

 

Senza furzammi, ohimè

Di u più prufondu di mè

Era natu un soffiu novu

Chì sentia_u fracicu_ovu

Era natu un soffiu vivu

Ch'era guasi esplusivu

GHJuvanpaulu Casta, Ottobre 2019