Accolta
U Pinziglione in Bunifaziu
U Pinziglione hè andatu à a scuperta di a cità di Bunifaziu u 6 è u 7 di ghjugnu 2026.
Issi dui ghjorni di visita, avviate cù gran talente da Pierre-François Marchiani, anu avutu cum’è scopu di palisà u patrimoniu storicu, culturale è relighjosu di a cità.
Avemu avutu dinù u piacè tamantu di sente l’amicu Alanu Di Meglio parlà ci di a lingua bunifazinca.
Eccu quì sottu, dui filmetti chì rendenu contu di sti mumenti spartuti in amicizia, à prò di a lingua corsa.
Eccu quì sottu, dui filmetti chì rendenu contu di sti mumenti spartuti in amicizia, à prò di a lingua corsa.
Sabbatu u 6 di ghjugnu
Dumenica u 7 di ghjugnu
U scontru incù Alanu Di Meglio
Introitu di Marianne Suzzarini, a Presidente di U Pinziglione :
"Quand'è n'avemu decisu d'andà in Bunifaziu cù l'associu, a nostra prima pensata hè stata di scuntrà à Alanu.
Alanu Di Meglio, ch'aghju cunnisciutu nant'à i banchi di a facultà in l'anni ottanta. Tandu, ellu era digià maestru è passiunatu da a didattica. Più tardi, diventò prufessore d'università è circatore, intarissendu si à a trasmissione di e lingue è à l'evuluzione di i nostri spazii linguistici.
Ma à fiancu à u scientistu, Alain hè ancu un omu di sensibilità chì da pueta ingaghjatu ci rigala scritti è canzone muderne, oghje, parte di a nostra litteratura. Ghjè sta vuluntà feroce di difende u plurilinguismu è u cuncettu di pulinumia chì ci cunduce oghje à u sughjettu di a nostra cunferenza nant'à u bunifazinu. Per ellu, a salvezza di sta lingua hè a prova chì a nostra identità si custruisce cù a ricchezza di tutte e so sfarenze.
A parte scientifica di i so studii è di e so ricerche chè no avemu mintuatu piglia propiu u so sensu quì, chì Alanu Di Meglio hè figliolu di Bunifaziu, arradicatu à a so cità, vole difende è fà risunà u so patrimoniu linguisticu, micca cum'è un oggettu di u passatu, ma cum'è un'emuzione viva è muderna.
Pè l'associu U Pinziglione, hè un piacè immensu d'esse ricevutu da tè, in i to lochi. À ringrazià ti assai assai."
"Quand'è n'avemu decisu d'andà in Bunifaziu cù l'associu, a nostra prima pensata hè stata di scuntrà à Alanu.
Alanu Di Meglio, ch'aghju cunnisciutu nant'à i banchi di a facultà in l'anni ottanta. Tandu, ellu era digià maestru è passiunatu da a didattica. Più tardi, diventò prufessore d'università è circatore, intarissendu si à a trasmissione di e lingue è à l'evuluzione di i nostri spazii linguistici.
Ma à fiancu à u scientistu, Alain hè ancu un omu di sensibilità chì da pueta ingaghjatu ci rigala scritti è canzone muderne, oghje, parte di a nostra litteratura. Ghjè sta vuluntà feroce di difende u plurilinguismu è u cuncettu di pulinumia chì ci cunduce oghje à u sughjettu di a nostra cunferenza nant'à u bunifazinu. Per ellu, a salvezza di sta lingua hè a prova chì a nostra identità si custruisce cù a ricchezza di tutte e so sfarenze.
A parte scientifica di i so studii è di e so ricerche chè no avemu mintuatu piglia propiu u so sensu quì, chì Alanu Di Meglio hè figliolu di Bunifaziu, arradicatu à a so cità, vole difende è fà risunà u so patrimoniu linguisticu, micca cum'è un oggettu di u passatu, ma cum'è un'emuzione viva è muderna.
Pè l'associu U Pinziglione, hè un piacè immensu d'esse ricevutu da tè, in i to lochi. À ringrazià ti assai assai."
