Menu
Lettu 80 volte

Ghjurnate Europee di u Patrimoniu 2020

In u quadru di u e Ghjurnate Europee di u Patrimoniu 2020, l'associu U Pinziglione prupunia u sabatu u 19 di settembre, à u museu di Bastia, un ghjocu di vistica. Ghjè statu un bellu mumentu di scuperte, di spertera è di rise per una dicina di zitelli è i so accumpagnatori


Un museu ?
Ghjè stu locu duv'ellu si accatasteghja è si mostra à a ghjente cullezione d'oghjetti chì anu un interessu artisticu, storicu, scientificu, tecnicu, ... ci n'hè parechji musei in Corsica...

U museu di Bastia ?

Hè stalatu in u palazzu di a Citadella, in u quartieru di Terra Nova, è ghjèra a residenza di u guvernatore , in tempi di a duminazione genuvese in Corsica.

Prupone un ghjocu di vistica à u museu, ghjèra per U Pinziglione una manera di participà a e manifestazione messe in ballu da a merria di Bastia, in u quadru di ste ghjurnate 2020, è dinù di permette una scuperta di stu locu di storia di manera un poccu sfarente.
U scopu presentatu à i participanti era di visticà e curone chì si ponu truvà nantu à l'opere sposte ind'è e sale.
È ci n'hè !!...

 
 
Per e soluzione di stu ghjocu, pichjate quì sottu :